گل غیراتیم اوستونلیکدن سؤزلأیلینگ

ییتیپ گیدن بییک لیگی گؤزلأیلینگ

غوچ ییگیتلنگ بار غووانجی آتی دیر

تورکمن آتی تورکمنینگ غاناتی دیر

شاه لار منینگ غاناتیمی کسدیلر

غایراتیمی توتوپ داردان آسدیلار

تالادیلار قرآنیمی دینیمی

اود لادیلار تاریخیمی ، سینیمی

قرمز دونوم پارا پارا اوزدیلر

آق اؤیومی اودا نارا دوزدیلر

سیندیردیلار دوتاریمینگ تارینی

دینگله سنه باغشی لارینگ زارینی

ایلیم بو گون اؤز کشبینه زار بولدی

غیرات! بو گون دونیا مانگا دار بولدی

گل غیراتیم داغا دوزه چاپایین

عزیز آغام گوراوغلی نی تاپایین

غیراتسیز گؤر چؤللر دومان گؤرونر

غیراتسیز گینگ دونیا زندان گؤرونر

بأگوللرینگ یوزی غانسیز گؤرونر

تورکمنلرینگ دوزی حانسیز گؤرونر

غیراتیمدا جوشغون توپان گؤرر سن

آزادلیقدان ارکدن نشان گؤرر سن

گل غیراتیم داغا دوزه چاپایین

آخ نیرده سن نیردن گؤزلأپ تاپایین

یالباریارین چیقماز اما غاناتیم

هی بو چؤله گلرمیقان غیراتیم؟